//Put this in the section //Vbout Automation

إليسا تدعم رامي جمال: “ممنوع تغيب وممنوع يكون البهاق عذر لغيابك”.. والاخير يرد شاكراً لها: أنا بحترمك وبشكرك!

وجهت الفنانة إليسا، رسالة دعم للفنان رامى جمال بعد أن أعلن إصابته بمرض البهاق، وطالبته بعدم الاستسلام أوالتفكيرفى الاعتزال.

وغردت إليسا، عبر حسابها على تويتر، قائلة: ” ممنوع تغيب وممنوع يكون البهاق عذرلغيابك أنت بتقول ابتليت بالبهاق، بس مش سبب لتخاف وتغيب فى ناس ابتليت بالكذب والخيانة وماهزت، وجودك أساسي ومثل ما أنت بتقول: أصل الحكاية مش حكاية شكل حكاية روح”




ورد المطرب رامي جمال على إليسا في تغريدة شاكراً لها فقال: أنا بحترمك وبشكرك علشان الكلام اللي من القلب هو اللي بيفرق مع اللي زيي ربنا يديم الصداقة واشوفك انجح واصح الناس

وقد أثار الفنان المصري رامي جمال الجدل بين روّاد مواقع التواصل الإجتماعي في الساعات الماضية، وذلك بعد إعلانه عن إصابته بمرض البهاق.

حيث كشف رامي انّه يُفكّر في الإعتزال بسبب المواقف الّتي يواجهها منذ حوالي سنة بعدما بدأ البعض يتجنّبه بسبب إصابته ظناً منهم أن المرض معد.

وتحدث رامي عن تجربته في منشورٍ، فكتب: “الحمد لله الّذي أحبّني فابتلاني وقدرني على الصبر. من فترة ظهرت بقع بيضاء في جسمي وبالكشف عرفت إنه مرض البهاق، وجربت أنواع علاج كتير ودكاترة كتير وما فيش فايدة”.

وتابع:”رضيت وسلمت أمري لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلاً بقى بيزيد لدرجة لفتت نظر ناس كتير، اللي بقى يقول لي هتتعامل إزاي وأنت فنان واللي يخاف يسلم عليا واللي يسألني هو ده معدي

أنا بقالي سنة فعلاً لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني اعمله عشان الناس مش هتقبلك كدة، وفكرت في كلامهم بصراحة”.

وختم رامي قائلاً: “لقيت إن عندي حلّين يا فعلاً شكراً لحدّ كدة على الشغلانة دي رغم حبي ليها وعدم معرفتي بغيرها، يا إمّا مش هداريه تاني وتقبلوني بيه وترحموا كلّ اللي ربنا ابتلاهم بيه من نظرة إن شكله غريب، والحمد لله على نعمة الأهل لأنهم الوحيدون اللي بيقبلوا الواحد زي ما هو”.