//Put this in the section

هاي مش عا إيّامي – زياد الرحباني – الأخبار

لَيكْ كَم ثورة أخَدِتْ … وْكَم قامِت قْيامِة

للتعْليم الإلزامي … وهيئة مش عا إيّامي




كان الخبز كلّ شي … والخبز قدّامي
والخبز يعني الأكل … ومش وحدو العلامِة

ما الشُعُوب الصَّفرا … بْتِتْناوَل بَدْلو رزّ
تا تْقوم القْيامِة
أمّا العِلم الإلزامي … الهيئة مش عا إيّامي

لَيكْ كَم مجزَرَة صار … لَفَك الإستِغْلال
المتوَحِش والدّامِي
وْشو عاشِت أسامي … وْشو ماتِت أسامي

وهيدا الاستغلال … عم يقطع عاسلامة
وْحَلّوُ مِشْ عا ايّامي

لَيكْ كَم مَرَّة تقاتَلْنا … وهَدّانا وبَهْدلْنا
نَفْس المَنْدوب السّامي
مَعقولِة يا سِامِي … العزّة والشهامة؟!

وْلاه اعترفلي شي مَرَّة … إنّي مِتْلي مِتْلَك
وْحاجْ واقِفْ قدّامي … هلّق عا ايامي

عْمِلنا مظاهرات … وكسّرنا مَبامي*
قاموا المْكَحْكَحِين … طيّروا حمامة!

* (أي: مباني) يحق للشاعر والـrapper
ما لا يحق لغيرهما