تنورة بتركع رجال – ماري حداد

 

 




 
 
 
غريب العنوان؟
 

بس هيدي الحقيقة , و القصة حقيقية , و الموضوع حقيقي

بليلة صيفية  و بمجمع سياحي على البحر  و من بلكون الشاليه شفت عجقه و هيصة حول البسيين و تحضيرات وزينة و طاولات مغطايه بشراشف بيضاء و عقد زهرية قلت أكيد هيدا عرس بس عدد الطاولات ما تخطى  الستة أي تقريباً ستون مدعو أكيد عرس صغير و بنص الجمعة كمان  حضرنا الكاس و رتبنا الطاولة و قلنا هيدا سهرة ببلاش و صرنا ناطرين .

صارت الساعة تسعة و بلشوا المدعوين يوصلوا بالدور و لفت أنتباهنا المدعوات  كأن… 

في عرض أزياء  كل بنت أحلى من التاني متل العارضات طول و أجسام ممشوقة , في منهن  لبنانيات و منهن روسيات 

و فجأة بلشت الموسيقى و دخل العريس حامل العروس أه روسية!!!!!!   و هو لبناني و افتتحوا الرقص برقصة ملفتي للنظر و دلت على تمكن العروس من خشبة المسرح و بعد المشاورات و الأستفسارات تبين إلنا أنو حضرتها عارضة أزياء  و رفاقتها ما بتعرف مين الأجمل.

و رجال المشروع على البلكونات  محضرين الكاس للسهرة و على أنغام روسية و رقص روسي  حليت السهرة , و فجأة سمعنا صوت نسائي لطيف على الميكرو  بيطلب من الشباب  الوقوف على المسرح شو بنت أحلى من العروس و لابسه تنورة قصيرة  و شعر أسود  طويل  و بغنج طلبت بالأنلكيزي من الشباب و الرجال أحمممممممممممم يركعوا على ركابهم   تململو شوي و رفضوا بس ما سكتت  حتى ركعوا يمكن لو قالت بالعربي ما ركعوا بس اللغة الأنكليزية الظاهر  أقوى على الرجال ركعوا !!!!!!!!!!!!!!   متل الشاطرين و طلبت من كل واحد يقول كلمة للعروس كأن العريس ما خصوا بالعرس 

و هالمشهد أستفذ البنات اللبنانيات و صرختهن طلعت لو شي بنت منهن طلبت هالطلب كانو نفذوه أكيد لأ… لأ … لأن الرجال بيعمل رجال عا مرتو و عيلتو و أهله بس

  شو معهن حق؟؟؟ أو الرجال معو حق روسية بهالمواصفات أكيد ما بينلامو بتركع أكبر رجال طيب !!!!!!!

شو بتفرق الروسية عن اللبنانية حتى تركع رجال و بالغرب بس يطلب أيدها بيركع و عنا بيلبس طقم و بيرافق أهلو عالرسمي تيطلب أيدها  و بالعرس بيعمل المستحيل تيكون شيخ  الشباب

و بس تكون العروس روسية بتشوف الفرق و على الطريقة اللبنانية بيقول المثل قال شو.. الرجال بيتباهو بهالمثل .. المرأة عقلها عقل  دجاجة خوتا  شو رأيكم صحيح هالكلام  ؟  و كيف قادره تحكم أعظم رجال

سرها غريب و أمرها عجيب  نصيحة اللي مش قادره تركع رجال تعمل روسية